/ Көлік пен пойыз қақтығысы жиілеген
15 апреля 2019 года, 18:03
Қымбат Слямбеков

Көлік пен пойыз қақтығысы жиілеген

Желілік полиция бөлімі мен жол-патрульдік полиция қызметкерлері бірігіп, темір жол өткеліндегі жол ережесін бақылауға алмақ
Источник: Алдаспан Фото: 37.мвд.рф
Этот материал доступен на казахском языке
Көлік пен пойыз қақтығысы жиілеген

Өйткені соңғы уақыттары пойыз бен көлік қақтығысы жағдайлары көбейген.

Мәселен, соңғы рет осындай оқиғаның бірі Серебрянск қаласында болды. Ваз Приора көлігінің иесі келе жатқан пойызға жол бермей, өзі бірінші өтіп кетпек болып, темір жолдың үстіне тұрып қалған. Пойыз машинисі де шұғыл тежегішті тез басқанымен, тоқтап үлгермей, көлікті қағып бірнеше метрге дейін сүйретіп кетті. Абырой болғанда, қарт жүргізуші дін-аман. Алайда локомативтің алдыңғы жарық шамы мен тежегішке, пойыз дөңгелектеріне келген шығынды өтеуіне тура келеді.

Осындай оқиғаларды болдырмас үшін Өскемен-1 желілік полиция бөлімі жол полициясымен бірігіп, қаладағы темір жол өткелдерінің маңында рейд жүргізді. Тәртіп сақшылары жол ережесін бұзған да, бұзбаған да жүргізушілерді тоқтатып, түсіндіру жұмыстарын жасады.

- Жүргізушілердің көбі темір жолды жылдам кесіп өтемін деп ойлап асығады. Содан жол апатына ұшырайды. Көлік рельске келіп кез келген уақытта кептеліп қалуы мүмкін. Осыны ескеру керек, - дейді Өскемен-1 Желілік полиция бөлімінің қызметкері, полиция капитаны Әсет.

Одан бөлек, пойыз бен көліктің қақтығысуына жүргізушінің немқұрайлығы да себеп.

- Жүргізушінің әнге, радиоға немесе басқа бір дүниелерге көңілі ауып кететін кездері көп болады. Ойланып кететін сәттер де жиі кездеседі. Бір секундтың өзі көз ілмес оқиғаға әкеп соғуы мүмкін. Темір жол - бұл қауіпті аймақ. Жүргізушілер соны әрдайым ескерсе екен. Бағдаршамда қызыл жанып, дабыл қосылып тұрса да, желігіп одан өтіп кеткісі кеп тұратын жүргізушілер көп. Елде бұл әдет болып кеткен бе деп те ойлайсың. Рейдттің мақсаты да халыққа осындай нәрселерді түсіндіру болды. Оларды өткелден өтер кезде мұқият болуға, сақ болуға шақыру болды, - дейді Өскемен-1 Желілік полиция бөлімінің қызметкері, полиция майоры Лариса Азанбекқызы.

Теміржол өткелі маңында көлік жүргізушілеріне 50 метрге дейін тоқтауға әрі 100 метрге дейін алдыңғы көліктен басып озуға болмайды.

Следующая новость


Новости по теме

Новости Усть-Каменогорска и ВКО -
Өскемен қаласының тұрғыны Айгүл Бөкейханова таланты мен еңбегінің арқасында бірнеше кәсіптің тізгінін берік ұстаған
Новости Усть-Каменогорска и ВКО -
Ақ некеге немқұрайлы қарайтындардың қатары артып, қатері көбейіп барады. Биыл еліміз бойынша үйленгендердің 50% ажырасып кеткен. 2019 жылы 63917 неке тіркеліп, оның 29073-інің бақыты баянсыз болған
Новости Усть-Каменогорска и ВКО -
Жаһандану көшінен қалмай жаңғырып, жаңаруды жоспарлап отырған аудандардың бірі - Көкпекті
Новости Усть-Каменогорска и ВКО -
Жаңа қылмыстық кодекстің қабылдануына байланысты балама жазалардың қолдануы кеңейді
Новости Усть-Каменогорска и ВКО -
Жастар жылына орай жас ақындар арасында "Алтайдың ақтаңгері Ақтан ақын" атты облыстық жыр мүшәйрасы өтеді